Nepal: Indege ya Tara yari itwaye abantu yaburiwe irengero
Mu gitondo cyo kuwa 29 gicurasi 2022, indege ya Sosiyete ya Tara Air yo muri Nepal, yarimo abantu 22 bavuye mu Mujyi wa Pokhara bagana mu wa Jomsom yaburiwe irengero.
Amakuru dukesha CNN, avuga ko, Umuvugizi wa Sosiyete ishinzwe Ingendo zo mu kirere avuga ko iy i ndege yari itwaye abagenzi 19, abandi batatu barimo ari abakozi bayo.
Hagati y’iyi mijyi ibiri ubusanzwe indege ikoresha hagati y’iminota 20 na 25. Ubuyobozi bwatangaje ko ibura ryayo ryatewe n’ibicu byahindutse nabi.
Inzego z’umutekano zibishinzwe zatangiye ibikorwa byo kuyishakisha.
Iyi ndege yarimo abagenzi bo mu bihugu bitandukanye, barimo babiri bava mu Budage, Abahinde 4 n’abandi 16 bo muri Nepal.Si ubwa mbere indege ya Tara Air igira ibibazo kuko mu 2016 yanyereye nabwo iri muri iki cyerekezo. Nepal ni igihugu cy’imisozi miremire irimo nka Everst.
umwezi.rw
