Kuwa 11 Kanama 2025, umutwe wa Rapid Support Forces (RSF) uhanganye n’Ingabo za Leta ya Sudani wishe abarenga 40, abandi 19 barakomereka mu gitero wagabye ku nkambi z’impunzi ziri mu Ntara ya Darfur.
Inzego zikora ubutabazi muri iyi ntara , zisobanura ko mu rukerera ari bwo umutwe wa RSF wagabye igitero ku nkambi ya Abu Shouk iri mu Mujyi wa El- Fasher.
Darfur ni kamwe mu duce twibasiwe n’uyu mutwe cyane nyuma yo kuva mu Murwa Mukuru wa Sudani, Khartoum, dore ko iyi ntara hafi ya yose iyoborwa n’umutwe wa RSF uretse Umujyi wa El-Fisher ukiyobowe n’Ingabo za Sudani.
Iyi ntambara igiye kumara imyaka itatu, kuva yatangira mu 2023 imaze kwica ababarirwa mu bihumbi 160, abandi miliyoni 12 barahunga, barimo miliyoni zirindwi zahungiye hanze y’igihugu.
Nyampeta Abdou
