ku wa 17 Gicurasi 2026 mu Karere ka Rubavu habereye ibirori byo kwizihiza Umunsi Mpuzamahanga wa Rwanda Red Cross, umunsi usanzwe wizihizwa buri mwaka tariki 8 Gicurasi hibukwa
Ibi birori byabimburiwe n’umukino w’umupira w’amaguru wahuje amakipe abiri y’abakorerabushake ba Croix Rouge. Muri uwo mukino,
abakorerabushake bahuguwe mu gutanga ubutabazi bw’ibanze bagaragaje ubuhanga bwabo bwo kwita ku bagize imvune, ibintu byashimwe n’abari bitabiriye uwo munsi.
isabukuru y’amavuko ya Henry Dunant wavutse tariki 8 Gicurasi 1828 akaba ari we watangije Umuryango wa Croix Rouge.
Uyu munsi wizihijwe kunsanganyamatsiko igira iti: “Kugira Ubumwe mu Bumuntu”, hagarukwa ku ruhare Croix Rouge igira mu gutabara abari mu kaga, gufasha ababaye kurusha abandi no guteza imbere imibereho myiza y’abaturage.
Mazimpaka Emmanuel wari uhagarariye Croix Rouge y’u Rwanda, yashimye ibikorwa bikorwa n’abakorerabushake ndetse n’ubufatanye bw’inzego zitandukanye mu gufasha abaturage bahuye n’ibibazo n’ibiza.
Hagenimana Epimaque Umushyitsi mukuru muri ibi birori aravuga Ati” ibikorwa bya Croix Rouge bigira uruhare rukomeye mu kuzamura imibereho y’abaturage no gutanga ubutabazi bwihuse mu gihe cy’ibiza.
Akomeza agira ati “mu Karere ka Rubavu, Croix Rouge yageze ku bikorwa byinshi byafashije abaturage mu bihe bitandukanye”.
Muri byo harimo kubaka amazu 150 y’abasenyewe n’imitingito mu mwaka wa 2021, ibikorwa byatwaye amafaranga asaga miliyoni 220 z’amafaranga y’u Rwanda.
Yanatanze ubufasha ku bahuye n’ibiza birimo imyuzure ya Sebeya, aho bamwe bahawe amafaranga, ibikoresho byo mu nzu n’ubundi bufasha bw’ibanze.
Ibindi bikorwa byakozwe harimo kubakira abatishoboye amazu n’ubwiherero, gutanga amatungo, gutanga ubutabazi bw’ibanze ndetse no guhuza imiryango y’abantu baba baraburanye n’abab
Abitabiriye ibi birori bagaragaje ko ibikorwa bya Croix Rouge bikomeje kuba inkingi ikomeye mu gufasha abaturage bahura n’ibibazo bitandukanye, cyane cyane mu bihe by’ibiza n’andi makuba.
Croix Rouge y’u Rwanda yatangiye ibikorwa byayo mu Rwanda tariki ya 1 Nyakanga 1962, ikaba imaze imyaka 64 ikorera Abanyarwanda ibikorwa by’ubutabazi n’iterambere ry’imibereho myiza.
Kayitesi Carine
