Burya urubuga nkoranyambaga WhatsApp rushobora kugirira uwurukoresha ndetse n’abandi akamaro bakabyungukiramo mu gihe rukoreshejwe neza.
Itsinda (INSHUTI ZA RUYENZI) rimaze imyaka itari mike ryishyize hamwe k’urubuga nkoranyambaga rwa whatsApp bahaye ubufasha umuturage witwa NYIRABYAGO Tereza (Therese).
Iri tsinda rizwi nka “Inshuti nziza za Ruyenzi” ryihurije kuri whatsapp rishingwa n’umusore witwa Ndizeye Vital uzwi cyane nka Van, k’umunsi wo ku cyumweru tariki 31/03/2019 ryasuye umukecuru utishoboye witwa NYIRABYAGO Therese utuye mu karere ka Kamonyi, umurenge wa Runda ho mu kagali ka Ruyenzi, Umudugudu wa kadobogo rimushyikiriza ubufasha we n’umuryango we,ari nayo ntego yaryo yo gufasha abatishoboye bo muri Ruyenzi nabo ubwabo bagafashanya ari nako nabo ubwabo nk’itsinda bashyigikirana hagati yabo.
Nkuko rero byari byitezwe umunsi nyiri zina warageze ubundi bashyira intego bihaye mu bikorwa batangira igikorwa.
Uko byari byitezwe nka gahunda y’umunsi,
Bamwe mubagize itsinda(Groupe)”INSHUTI NZIZA ZA RUYENZI” bakigera mu rugo rwa NYIRABYAGO Therese umuryango we bahaye ikaze mu rugo rwabo,
Hahise hakurikiraho kwiragiza Imana binyuze mu isengesho nyuma yo kwiragiza Imana habayeho igikorwa cyo kwibwirana birambuye mu buryo bwo kumenyana.
Nyuma yaho uwari uhagarariye itsinda yafashe umwanya avuga ikibagenza nicyo bagambiriye,
Yagize ati”mbere na mbere reka dushime Imana itumye turi hano aka kanya kuko iyo itabayo ntibyari gushoboka,ati rero ntimugire ngo tuje hano tubateye ahubwo turagezwa n’amahoro kdi icyo dushyize imbere ari nacyo cyatuzinduye ni ugusura umukecuru tukamukanda aho ababara, tukamuha ibinini nibyo azajya yifashisha kugira ngo ibyo binini bimanuke.”
Yakomeje avuga amavu n’amavuko y’itsinda Inshuti nziza za Ruyenzi avuga ko yashinzwe ku tariki 25/10/2014 hagamijwe guhuriza hamwe abantu batuye muri Ruyenzi, cyangwa abahavuye bakajya gutura ahandi yakomeje avuga n intego z’iri tsinda ko ari ugufasha abatishoboye bo muri Ruyenzi nabo ubwabo bagafashanya, bagashyigikirana hagati yabo mu buryo bugiye butandukanye.
Hakurikiyeho gushyikiriza umukecuru ibyo Inshuti nziza za Ruyenzi zabashije kwegeranya harimo ibiribwa bigiye bitandukanye, bifite agaciro kangana ni 24,500frw ndetse yaje no guhabwa envilope irimo amafaranga 27,000frw
Nyuma yaho hakurikiyeho umwanya buri umwe wese ahabwa ijambo avuga ikimuri ku mutima, amagambo bagiye bagarukaho cyane n’ahumuriza umukecuru bamubwirako atari wenyine ahubwo ari kumwe n’umuryango umukunda kandi umuhoza ku mutima,
hakurikiyeho gucinya akadiho.
Nyuma yaha nyir’urugo ariwe NYIRABYAGO Therese yaje gushimira Inshuti nziza za Ruyenzi abasabira umugisha ku Mana agira ati”urukundo mufite muzaruhorane iteka.”
Uwari ahagarariye itsinda Inshuti nziza za Ruyenzi NDIZEYE Vital (Van) yasoje ashimira Imana yabaherekeje mu gikorwa bateguye ki kaba gisojwe amahoro, kandi ashimira naburi umwe wese wakigizemo uruhare kugira ngo kigende neza.
Nyuma y’icyo gikorwa baherekejwe n’abo bari basuye hanyuma bajya kwishimira igikorwa uko cyagenze neza ibizwi nka “After Party” mu ndimi z’amahanga.
Ngayo ng’uko uko bamwe bakoresha iterambere biteza imbere banateza imbere n’igihugu muri rusange binyuze mu matsinda (Groups) yo k’urubuga nkoranyambaga ruzwi nka Whatsapp.
Reba andi mafoto
