Abaturage b’Umurenge wa Kayenzi,wa Karere ka Kamonyi bashima kandi banezezwa n’ iterambere rigenda ribageraho, nubwo habayeho icyorezo COVID-19 ubukungu bugahungabana bagasanga ubuyobozi bwiza n’umutekano aribyo bakesha ibyo bageraho byose, basanga umutekano ukwiye kubumbatirwa by’umwihariko nabo bagashyiraho akabo bakora kugirango iterambere rirusheho kubageraho.
Umurenge wa Kayenzi
iyo ugeze mu gasantere ka Kayenzi, ubona ibikorwa bitandukanye haba abakora imyuga itandukanye ,ububaji ubusudizi ndetse nabakora mu bucukuzi bwa mabuye y’agaciro urubyiruko Kandi rwibumbiye mu matsinda yo gufashanya ndetse rwitabiriye gahunda ya ejo heza. Muriyo santere yagezemo umuriro w’amashanyarazi ufasha mu mirimo itandukanye urubyiruko rwatangiye ibikorwa byo kwihangira imirimo ibateza imbere nko gusudira, gushinga salon zogosha [Salon de Coiffures], ububaji, gukoresha ibyuma by’ikoranabuhanga nka mudasobwa mu gutanga serivise zitandukanye, ndetse n’ibindi bikorwa bitandukanye byifashisha umuriro w’amashanyarazi.
Aba baturage babifashijwemo n’ubuyobozi bw’umurenge wa Kayenzi bigishijwe guhinga imboga n’inimbuto cyane ko bihera kubwinshi, ku buryo bemeza ko imibereho yabo imaze guhinduka kubera kurya neza
kubiryanye COVID-19 umurenge waKayenzi ntiwadohotse
Aganira n’ikinyamakuru umwezi.rw , umunyamabanga nshingwa bikorwa w’umurenge wa Kayenzi Innocent Mandera yavuze ko ubuyobozi bukomeje gukangurira abaturage kwirinda icyorezo cya corona virus , bubahiriza amabwiriza yatanze n’Ikigo cy’Igihugu Gishinzwe Ubuzima (RBC) ndetse bitabira gahunda yo gufata inkingo uko zigenwa avuga ko ngo abaturage bamaze gutera intambwe mu kwirinda no gukumira n’ubwitabire bwabo mugufata inkingo buri kurugero rwiza kuko babikanguriwe ku buryo buhagije,Kandi ko batadohoka.
Umunyamabanga nshingwa bikorwa w’umurenge ati:”Nkuko nawe wabyiboneye ukaba waganiriye n’abaturage wabonye ko twakajije ingamba mu gukumira no gukwirakwiza icyorezo cya corona virus.
Ntamuturage ugomba kwitwaza ko atambaye agapfukamunwa kuko ntaho katari, Ikindi buri muturage wese agomba kwinjira mu isoko n’ahandi hose hahurira abantu benshi yerekanye icyangobwa cyuko yikingije ayambaye agapfuka munwa neza kandi abanje gukaraba intoki
mu mibereho myiza yabaturage amakimbirane mu miryango yaragabanutse
Mandera innocent Umunyamabanga Nshingwabikorwa w’Umurenge wa Kayenzi
Mandera , Umunyamabanga Nshingwabikorwa w’Umurenge wa Kayenzi ati:”abaturage barigishwa bigakemurwa bahereye aho batuye , mu masibo yabo, mu midugudu barimo ,kuganirizwa ku gucyemura abibazo mu miryango,kwishakamo ibisubizo ,gutanga amakuru kugihe nubuhinzi bufasha mukurwanya imirire mibi nk’akamaro k’akarima k’igikoni .Mbere hari abaturage bataryaga imboga , ariko bamenye ko kurya imboga n’imbuto ari uburyo bwo kuboneza imirire no kurandura igwingira rikigaragara
Mu rwego rw’ubwisungane, abaturage b’umurenge wa Kayenzi bakanguriwe gutanga umusanzu w’ubwisungane mu kwivuza ,kurubu tugeze kuri 93%
Muri ubu bukangurambaga abaturage bibukijwe ko umusanzu w’ubwisungane mu kwivuza utangwa kubagize umuryango bose dusaba abaturage kujya batangira kwizigama, bazigamira mitiweli umwaka wa mitiweli ugitangira; ibyo bakabikora binyuze mu matsinda cyangwa mu bimina aho bizigama make make, umwaka ukarangira baramaze kwizigama mitiweli.
Abaturage bavuga ko umurenge wa bo uzwi ku buhinzi bw’inanasi. Abacuruzi bava i Kigali no mu yandi masoko bakaba baza kuziharangura, izindi bakazigurisha n’inganda nto zikoramo umutobe. Batangaza ko muri iyi minsi umusaruro wa zo wabonetse ndetse ko bacyeneye uruganda rukomeye rwabafasha mu kubyazamo umutobe nibindi binyobwa bigezweho .
Aba baturage bishimiye iterambere bamaze kugeraho babikesheje ubucukuzi bw’amabuye y’agaciro, aboneka mu kagari ka Cubi kuko babonamo akazi kabaha amafaranga. Bashima intambwe abagore bagezeho bateza imbere ingo za bo, bajya mu matsinda yo guhana amafaranga bakabasha kuzigama no kugura ibyo bakeneye.
Hari kandi n’abagore bafite uruganda rukora umutobe w’inanasi mu kagari ka Bubazi, bavuga ko bacyeneye ubufsha ngo babashe gukora kinyamwuga ndetse , bakaba bizeye kongera ibikoresho uruganda rukeneye no kwagura isoko
umurenge wa Kayenzi ugizwe n’imidugudu 40 utuwe nabaturage 14.913 ingo 3.705 abaturage batunzwe nubuhinzi ngandurabikungu ndetse n’angengabukungu, ubucukuzi bw’amabuye yagaciro n’ubucuruzi ,ufite uruganda rutunganya kawa n’inanasi cyane ko ugaragaramo ubuhinzi bw ‘inanasi na kawa ku bwinshi
n’umurenge ufite ikigo nderabuzima na poste de sante.
umwezi.rw
