Abanyarwanda babiri begukanye ibihembo mu marushanwa y’iminsi 2 ku mishinga y’urubyiruko rwiga muri makaminuza ruturutse amahanga yose yaberaga i Kigali mu nama ya Baobab.
Iyi nama yarangiye imishinga 15 ariyo ihembwe harimo n’umushinga uhuriweho n’Abanyarwanda babiri basanzwe biga muri kaminuza yo muri Ghana.
Abo banyarwanda ni Iradukunda Nadine na Nirere Marie Aime bagaragaje umushinga wo gufasha abana barererwa mu bigo by’imfubyi kubona indryo yuzuye biciye mu guhinga imbuto n’imboga. nibo banyarwanda rukumbi batsindiye ibihembo by’aya marushanwa ya resolution social venture challenge aterwa inkunga na mastercard foundation yari amaze iminsi abera i Kigali kuva kuwa 2 kugeza kuwa 3 Kanama 2019.
Kuri uyu wa 3 kanama kandi nibwo hatanzwe ibihembo ku bagaragaje imishinga ikemura ibibazo by’umuryango mugari yahize indi, uyu muhango ukaba wari witabiriwe na Minisitiri w’Urubyiruko Madamu Rose Mary Mbabazi.
Aba bakobwa bari batangarije abanyamakuru mbere yuko ibi bihembo bitangwa ko bafite icyizere cyo kuzabonera inkunga umushinga wabo kuko ufite umwihariko wo gufasha abababaye benshi kandi bakiri bato.
Abanyarwandakazi 2 bari guhatanira ibihembo bya Mastercard foundation bizeye guhigika indi mishinga y’ibihugu 16 bahanganye.
Umwe muri bo twaganiriye yagize Ati “Twifitiye icyizere kuko umushinga wacu urihariye ni uwo gufasha abababaye benshi, ikindi ubuhinzi bw’ibihumyo ntabwo burakwira henshi mu Rwanda nabyo ni bimwe mu bizatuma umushinga wacu ufashwa kugirango dukomeze gukwirakwiza ubuhinzi bwabyo”.
Mu mishinga 15 yahembwe yiganjemo iy’Abagande kuko bahembewe imishinga 3 yose ifitanye isano n’ubuhinzi, ikindi gihugu cyahembwe cyane ni Kenya yahembwe 2, Ghana 2 abandi barimo u Rwanda, Malawi, Lebanon, Zimbabwe n’abandi bahembwe 1.
Aya marushanwa yatangiranye n’imishinga 125 ku ikubitiro ariko nyuma y’ijonjora hasigaramo 31 ariyo banyirayo baje kuyigaragaza mu byiciro 2 bya nyuma i Kigali.
Aba banyarwanda babiri bahembwe umushinga wabo wari ufite agaciro k’i 2675 by’Amadolari akabakaba miliyoni 2.5 z’amafaranga y’u Rwanda kugirango utangire gushyirwa mu bikorwa.
Abagaragaje imishinga yatsinze bose
| Social Venture | Amazina y’abatsinze | Ibihugu bakomokamo | |
| AgriSan | Amanuel Eshete & Edith Naisubi | Uganda | |
| Api-Smart | ElikplimAvor&RansfordAniagyei | Ghana | |
| BOTTLE FURNITURE | MsouobuGuewouShester Landry | Cameroon | |
| DeepEye Initiative | Esau Mhandu& Ronald Tumuhairwe | Zimbabwe | |
| Duafe | ErmyntrudeAdjei& Matilda Koa | Ghana | |
| EduPass | Eslam Abo Alhawa, Mahmoud Kanso, &Nour Al-Bidewe | Lebanon | |
| GenFarm Financial Enterprise | Allan Busuulwa& Arnold Katende | Uganda | |
| GuértéRéwmi Company | FatouSambe& Naima Farah | Senegal | |
| Healthy_Us | Marie AiméeNirere& Nadine Iradukunda | Rwanda | |
| HERFuture | HaddijatouTouray, IsatouJallow, & Sally Dibba | Gambia | |
| JP- Jumping Protein | EsnathDivasoni | Zimbabwe | |
| Linda | Grace NkathaKiruja, Martine Irakoze, & Prudence AkothHainga | Kenya | |
| MUSHECO Farm | JirehMwamukonda&YamikaniNg’ona | Malawi | |
| Pura Vida | Grace Aguti& Peter Onyango | Uganda | |
| Soma | Mathew Bushuru, Moses Kirathe, &ShininaMuthiora | Kenya |
