Ubushakashatsi buherutse gushyirwa hanze na Global Media Monitoring Project bwagaragaje ko ibikorwa by’abagore bivigwa mu itangazamakuru bikiri hasi cyane kuko basanze mu nkuru zinyura mu bitangazamakuru bitandukanye izigera kuri 24 % gusa arizo zivuga ku bagore.
Ubu bushakashatsi bumaze imyaka 20 bukorwa, bwakorerwe mu bihugu bigera ku 114, bakaba barasanze bigoranye ko abagore bagira uruhare mu kubaka sosiyete mu gihe badahabwa ijambo ngo batange uusanzu wabo binyuz emu itangazamakuru.
Nubwo abaturage batuye isi abarenga 50% ari abagore, 24% gusa nibo babasha kumva ku maradiyo, bagasaomwa mu binyamakuru, kuri televiziyo no mu bundi buryo bwo gutangaza inkuru. Gusa ikibabaje ngo nuko iyo mibare itiyongera kuko uko ubu bushakashatsi bwasanze imibare imeze muri 2010 ariko na nubu bikimeze.
Ngo ibikorwa by’abagore biragenda bikagera muri iyi minsi aho isi isigaye ikoresha imbuga nkoranyambaga, muri ubu bushakakashatsi bakaba barasanze imbuga nkoranyambaga nazo zidakunze kuvuga ku bagore dore ko niyo zigerageje kubavuga ahanini baba ari ukubasebya kuruta kuvuga ibikorwa byabo byiza. Mu bakoresha imbuga nkoranyambaga, ababa bashishikajwe no kuvuga ku bagore bagera kuri 26% gusa.
Urubuga nkoranyambaga agasaro.com dukesha iyi nkuru narwo ruyikesha alafrica, ruvuga ko iyi raporo y’ubushakashatsi yagereranije inshuro abagabo bahabwa umwanya mu itangazamakuru n’umwanya abagore bahabwa basanga abagore batanga ibitekerezo mu itangazamakuru bakiri bake cyane
Nyamara ku rundi ruhande nuko muri ubu bushakashatsi basanze ko abagore aribo cyane bavigwaho ibibi aho basanze ko inkuru zivuga ibibi ku bagore ziba zikubye kabiri inkuru ziviga ku bagabo.
Abakoze ubu bashakashatsi bahamagarira isi yose guhagurikira kurwanya iri vangura rikorerwa abagore mu itangazamakuru.
Kagaba Emmanuel, umwezi.net
