Urubuto rwa Pomme rufite umumaro ntagereranywa ku buzima bwawe.Umubiri w’ umuntu ukenera ibintu bitandukanye, birimo no kurya imbuto kugira ngo ukore neza, kuko ari naho haboneka intungamubiri nyinshi.
Pomme ni rumwe mu mbuto rufite intungamubiri nyinshi nk’uko bigaragazwa n’abahanga barukozeho ubushakashatsi.
Urubuga nkoranyambaga lapomme rugaragaza zimwe muri vitamini zigize uru rubuto n’akamaro kaz. Ni urubuto rugizwe na Vitamini B9, vitamine A na Vitamini C , arizo vitamin zifasha mu kubaka uruhu no kurinda umubiri muri rusange.
Vitamin B1 ifasha mu mikorere myiza y’ubwonko no mu kubaka imikaya (muscles).
Vitamin B2 ifasha mu mikorere myiza y’uturemangingo(cellules et tissue), Vitamine PP ifasha mu mikurire no kubaka ingufu mu turemangingo., Vitamini B5 ni vitamini y’uruhu n’umusatsi ikaba inafasha mu ikoreshwa ry’amasukari.
Vitamini B6 ikenerwa mu mikoreshereze ya porotoyini ( Proteine) n’ama aside amine mu mubiri, naho Vitamini E ikarwanya ubusazi.
Kubwiyo mpamvu uru rubuto rufatiye runini umubiri wacu, ugakangurirwa kururya igihe cyose.
Ibindi byiza by’uru rubuto rwa Pomme nuko rubamo ibitera imbaraga ikaba urubuto rwiza ku bakunda gukora imyitozo ngororamubiri
Muri kamere yayo igizwe n’ibinyamasukari umubiri ukenera cyane mu gukora kwawo kuko niyo umubiri ubasha gukuramo imbaraga, ikindi ni uko kurya pomme ku gipimo gishyitse kandi ku buryo buhoraho ni uburyo bwiza bufasha mu kurinda kugira ibiro birenze cyangwa kubigabanya mu gihe birenze urugero.
Pomme ya garama 150 uyifashe buri munsi nyuma y’ifunguro ifasha kutongera ibiro mu buryo butateguwe.
Abashakashasti bavuga ko pomme igizwe n’amasukari yitwa Fructose na Glucide umubiri ukayakoresha buhoro buhoro bityo bikaba ari byiza gukora sports wafashe uru rubuto kuko umubiri ubasha kwibikira imbaraga wakoresha igihe kirekire.
Akamaro ko kuyifata igihe ukora Siporo
Gufata Pomme mbere ya Sports bituma umubiri ugumana ingufi igihe kinini, kuyifata hagati mu myitozo bituma umubiri ugarura ubuyanja ugakomeza gukora neza kubera imyunyu ngugu n’amavitamine atandukanye, naho kuyifata nyuma y’imyitozo bifasha umubiri kugaruka amazi wari wabuze ndetse no gusohora imyanda.
Pomme ifasha cyane mu rwungano ngogozi
Ubushakashatsi bugaragaza ko gufata umwanya uhagije wo kuyikacanga bituma umubiri utiyongera mu biro cyane,kandi pomme igira ibyo bita fible bituma igogorwa ry’ibiryo rigenda neza.
Ikindi nuko Pomme zituma umuntu atagira ibibazo byo kwituma bigoranye, ibyo bita impatwe, aha bakaba bagira abantu inama yo kuyikacanga cyane. Pomme ibamo vitamini C ifasha cyane uruhu kunoga no kwihanganira ibirurwanya .
Kagaba Emmanuel, umwezi.net
